تبلیغات
بیر بیله سوارلی
نظرات وارده لزومن دیدگاه بیر بیله سوارلی نیست
من درد دلم را به قلم خواهم گفت
بیــــــــله ســـــوار مغـــــان
E-mail: bilesavarmoghan@gmail.com
بیر بیله سوارلی

عشقین منیله باده سینی هی ایچیر ایللر

یوز یوز بئله بایراملا  صبیر سیز کئجیر ایللر

 

گوندور  سوئوشور دال بادالا یئل کیمی آنجاق

عومرین  زمی سین گورنه اوراغ تک بیجیر ایللر

 

بیزده هله شادیق تزه بایرام  هوسیله

غافیل بوکی هر لحظه به سرعت کئجیر ایللر

 

قلبیم کیمی کوز کوز آلیشیر فقرین اودوندا

یوخسول لارا قات قات گوجونو گورسدیر ایلر

 

بایرام قاباقی شعر قیزی دردله بزن سین

نوروز آدینا کوهنه غمین ترپه دیر ایللر

 

هرگون باهالیق لار کوتانی شوخم ویرارکان

فقرین توخومون جامعه میزده سپیر ایللر

 

باخمیر او فیلانی بو حالال دی او حارام دیر

بیر عده جیبه‌ هرنه گلیرسه تپیر ایللر

 

چرخی فلگین ترسه دولاندیقجا حیات دا

ارباب لاری میزدا کرمین دای کسیر ایللر

 

نامحرم آراسیندا بوتون محرم ایتیب دیر

عسقین یاخاسین بیر نچه نادان دیدیر ایللر

 

بایرام گئجه سی قونشی سینین سورفاسی بوشدی

مین مین حاجی آللاه ائوینه عزم ائدیر ایللر

 

واردان نه قدر یوکلنه دونیاده بو اینسان

بیر خالی کفنن قبیره  باخ گئدیر ایللر

 

باش قاش آغاریر سرعتیله گورنه  وطن داش

سبقت توتاراق فیکرته بای بای دئییر ایللر

لطفعلی  فکرت/ وطن داش



ارسال در تاریخ جمعه 27 اسفند 1395 توسط بیر بیله سوارلی

قالب وبلاگ